Interi ka treguar vendosmëri për të siguruar shërbimet e mesfushorit të Liverpoolit, Curtis Jones, duke paraqitur një ofertë fillestare prej 20 milionë eurosh.
Sipas raportimeve të Gazzetta dello Sport, gjigantët e Serie A e kanë dorëzuar këtë ofertë për mesfushorin anglez, i cili prej kohësh figuron në listën e dëshirave të klubit nga Milano.
Interi kishte provuar ta transferonte edhe gjatë afatit kalimtar të janarit, por pa arritur sukses.
Jones është nën kontratë me Liverpoolin deri në qershor të vitit 2027, por raportohet se mesfushori 25-vjeçar është i hapur për një transferim në Itali. Madje, thuhet se edhe disa sinjale nga bashkëlojtarët e tij kanë lënë të nënkuptohet një largim i mundshëm.
Megjithatë, oferta e parë e Interit mbetet nën kërkesat e klubit anglez, pasi Liverpooli e vlerëson lojtarin rreth 30 milionë euro.
Interi është i vetëdijshëm se do të duhet ta rrisë ofertën për të mbyllur marrëveshjen, por klubi italian synon të vazhdojë negociatat në ditët në vijim, me qëllim që të fitojë garën për mesfushorin dhe t’i sigurojë trajnerit Cristian Chivu përforcimin e parë të verës.
