La Gazzetta dello Sport ka raportuar se Mehdi Taremi i ka dhënë prioritet kalimit tek Interi si lojtar i lirë gjatë verës.
Kontrata e Taremit me Porton skadon në fund të sezonit dhe “Nerazzurrët” kanë qenë në bisedime me agjentët e tij tash e disa javë.
Siç shton raporti, reprezentuesi iranian i ka dhënë prioritet kalimit tek Interi në sezonin 2024/25 dhe tashmë ka informuar Porton se nuk do të rinovojë kontratën e tij.
Blerja e Taremit do t’i kushtojë pak më shtrenjtë Interit se sa ata kishin planifikuar fillimisht, pasi qeveria italiane ka hequr ‘Dekretin e Rritjes’. Inter pritet që të paguajë të paktën 1.8 milionë euro për çdo transferim që kryen.
Taremi ishte në bisedime gjithashtu edhe me Milanin, madje ai kishte refuzuar edhe një ofertë nga Liga Saudite.
Siç qëndrojnë gjërat, Interi janë favoriti kryesor për të nënshkruar me të gjithashtu edhe me mesfushorin e Napolit, Piotr Zielinski.
Polaku ka arritur një marrëveshje në parim me drejtuesit e Interit dhe pritet të transferohet në “San Siro” në fund të sezonit. /Telegrafi/
sport,inter,mehdi taremi,porto , inter,mehdi taremi,porto
