Kazuyoshi Miura, futbollisti profesionist më i vjetër, ka ndërruar klubin për herë të 16-të në karrierën e tij jashtëzakonisht të gjatë prej 37 vitesh.
Ish-reprezentuesi japonez, i cili ka bërë debutimin profesional për ekipin brazilian Santos në vitin 1986, shijoi aventura tek Palemiras, Coritiba, Dinamo Zagreb dhe Vissel Kobe në fazat e hershme të karrierës së tij.
“King Kazu” më pas nënshkroi një marrëveshje të re me Yokohama FC në vitin 2025. Në fakt, ai ende luan për liderët e J2 League, të cilët e kanë huazuar atë në katër raste të ndryshme gjatë karrierës së tij prej 19 vitesh në “Mitsuzawa Stadium”.
Në shkurt të vitit të kaluar, Miura iu bashkua ekipit të ligës së dytë portugeze Oliveirense para se të bëjë debutimin e tij në fitoren me rezultat 4-1 ndaj Academico Viseu.
Si rezultat i paraqitjeve të shkurtra në “Estadio do Fontelo”, ai u bë futbollisti më i vjetër që luan në futbollin portugez në moshën 56-vjeçare.
Pasi bëri nëntë paraqitje në Portugali, Miura tani është rikthyer përsëri në Japoni tek ekipi i ligës së katërt Atletico Suzuka Club në një tjetër marrëveshje huazimi.
“Nuk e shoh dorëheqjen si një zgjidhje që do ta konsideroja. Pasioni im për lojën është gjithmonë i madh. Pasioni im nuk zhduket gjithashtu”, ka thënë Miura në konferencën për shtyp.
Miura më herët kishte thënë se do të vazhdonte të luante futboll deri në të 60-tat, diçka për të cilën foli sërish së fundmi në një intervistë për World Insight.
“Trupi im nuk është njësoj sikur kur isha 50-vjeçar. Është diçka ndryshe ditë pas dite. Unë gjithmonë mendoj se si do të shkojë dita e ardhshme, apo java e ardhshme. Edhe dhimbja më e vogël më frikëson mua, një frikë që mund të çojë deri tek lëndimi”, është shprehur ai.
sport ,
