Brazili ka pësuar një goditje të madhe në sfidën e Kupës së Botës kundër Haitit, pasi Raphinha u detyrua të linte fushën për shkak të një lëndimi.
Futbollisti i Barcelonës mbeti i shtrirë në tokë pas një ndërhyrjeje dhe sinjalizoi menjëherë drejt stolit, çka bëri që ekipi mjekësor të futej në fushë për t’i dhënë ndihmën e nevojshme.
Edhe pse provoi ta vazhdonte ndeshjen, sulmuesi brazilian nuk arriti të përballonte shqetësimin fizik dhe në fund u zëvendësua.
Raphinha u largua nga fusha i frustrur dukshëm, ndërsa mjekët e përfaqësueses së Brazilit nisën menjëherë vlerësimin e gjendjes së tij.
Aktualisht nuk ka ende një informacion për shkallën e lëndimit, por largimi i tij ka ngritur menjëherë dyshime për gatishmërinë e tij në ndeshjet e ardhshme të Brazilit.
Pesë herë kampionët e botës e vazhduan takimin me ndryshime në repartin ofensiv, por dëmtimi i Raphinhas ka hedhur hije mbi një përballje shumë të rëndësishme në fazën e grupeve të Kupës së Botës./
