Besa ka bërë publik afrimin e saj më të fundit, duke zyrtarizuar firmën me anësorin e djathtë Leart Zekolli.
Futbollisti i bashkohet skuadrës verdhezi për të nisur një eksperiencë të re në futbollin shqiptar, aty ku më herët ka qenë pjesë edhe e Partizanit.
Zekolli vjen te ky transferim pas aventurës me Prishtinën e Re në Superligën e Kosovës, skuadër me të cilën regjistroi 16 ndeshje dhe dha 1 asist.
Në klub besojnë se cilësitë e tij do t’i sjellin më shumë vlerë grupit për sezonin e ardhshëm, teksa ekipi po përgatitet me objektiv të qartë ngjitjen në Abissnet Superiore.
