Bayer Leverkusen po u ofron tifozëve të tyre tatuazhe falas të klubit për të përkujtuar sezonin e fitimit të titullit të Bundesligës dhe rekordin si të pamposhtur, shkruan kampioni gjerman.
Skuadra e Xabi Alonso është në kërkim të tre trofeve dhe është i pamposhtur në të gjitha garat këtë sezon, duke e zgjeruar serinë e tyre në 49 ndeshje pa humbje dhe kështu tejkaluan rekordin e gjatë evropian të Benficas, të vendosur nga 1963 në 1965.
“Aksioni special në fund të sezonit special. Bayer u ofron tifozëve deri në fund të sezonit mundësinë për të zgjedhur një nga tatuazhet e shumta të Bayer-it falas”.
“Rezervoni takimin tuaj tani dhe përjetësoni këtë sezon unik në lëkurën tuaj”, thuhet në njoftimin e klubit.
Kujtojmë se Bayer Leverkusen më parë vulosi titullin e parë në Bundesligë, si dhe u kualifikua në finalen e Kupës së Gjermanisë, ku do të takohet me Kaiserslautern të ligës së dytë. /Telegrafi/
sport,Bayer Leverkusen,Bundesliga , Bayer Leverkusen,Bundesliga
