Barcelona me tentimin e parë ambicioz për zëvendësimin e Xavit, do të ishte befasia më e madhe ndër vite

Barcelona do të dërgonte valë tronditëse në botën e futbollit nëse punëson një kandidat të pamundur për të pasuar Xavi Hernandez si trajner.

Pas humbjes 5-3 në shtëpi ndaj Villarrealit, trajneri spanjoll bëri njoftimin surprizë se do të largohej si trajner i skuadrës në fund të sezonit.

44-vjeçari u rikthye në klubin e tij të fëmijërisë si trajner në vitin 2021, gjashtë vjet pasi karriera e tij e shkëlqyer si lojtar në Camp Nou mori fund.

Pavarësisht se skuadra e tij fitoi La Ligën sezonin e kaluar, Xavi ka qenë nën një vëzhgim intensiv këtë sezon me Barcelonën që ka rënë shumë larg ritmit në garën për titull.

Me Barçën tashmë jashtë Kupës së Mbretit dhe pas Real Madridit në La Liga, Liga e Kampionëve është kompeticioni i vetëm i madh që skuadra e Xavit mund të fitojë realisht – dhe kjo duket e pamundur.

Presidenti i Barcelonës, Joan Laporta dhe bordi i tij tani janë në kërkim të një trajneri të ri, dhe shefi i Liverpoolit, Jurgen Klopp, është shfaqur si një kandidat surprizë.

Një ditë para njoftimit të Xavit, strategu gjerman konfirmoi se do të largohet nga Liverpooli në fund të sezonit pas nëntë vitesh në krye.

Sipas TV3, Laporta i ka thënë rrethit të tij të besuar të brendshëm në klub se ata duhet të përpiqen të bindin Kloppin për të kaluar në Kataluni.

Megjithatë, Klopp ka të ngjarë të mos bindet nga projekti i gjigantit të La Ligës. Ashtu si Xavi, gjermani përmendi lodhjen si një nga faktorët pas vendimit të tij, dhe 56-vjeçari planifikon të marrë një pushim njëvjeçar.

Hansi Flick, Michel (Girona), Imanol Alguacil (Real Sociedad), Thiago Motta (Bologna) dhe Rafael Marquez (Barca B) janë kandidatët e tjerë që Barça po i shikon. /Telegrafi/