Ylli i Real Madridit, Toni Kroos, u prit sërish me vërshëllime të forta nga tifozët arabë gjatë fitores në finalen e Superkupës Spanjolle ndaj Barcelonës.
Los Blancos fituan 4-1 gjatë ndeshjes së fundit, me Vinicius Junior që realizoi një hat-trick të jashtëzakonshëm në pjesën e parë.
Por, ndërsa braziliani vodhi titujt kryesorë, vërshëllimat e vazhdueshme ndaj Kroos ishin sërish temë në mediat ndërkombëtare.
Kundër Atletico Madrid të mërkurën, Kroos doli nga bankina me pak më shumë se 20 minuta të mbetura dhe çdo prekje u vërshëllye.
Pati edhe brohoritje kur ai rrëshqiti teksa tentoi të bënte një pasim në fushë.
Pritja negative duket të jetë për shkak të komenteve të mëparshme të Kroos për lojtarët që kalojnë në Saudi Pro League, duke e cilësuar kalimin e Gabri Veiga në Al Ahli si “të turpshme” dhe se pretendimi i parave është faktori motivues për ata që shkuan atje. /Telegrafi/
sport,Arabia Saudite,real madrid,Toni Kroos , Arabia Saudite,real madrid,Toni Kroos
