Neymar është i bindur se Brazili ka mundësi të fitojë medaljen e artë në Kupën e Botës 2026, nëse ekipi kombëtar mbetet i bashkuar deri në fund.
Entuziazmi i sulmuesit brazilian është shtuar pas rikthimit me fanellën e Selecaos, teksa ai beson se përfaqësuesja e tij mund ta ngrejë trofeun e Kupës së Botës këtë vit.
“E dua këtë, dhe nuk jam vetëm unë – e gjithë skuadra, e gjithë skuadra jonë dëshiron të fitojë”, tha Neymar. “Nëse bashkohemi, do të kemi një shans të shkëlqyer për të arritur qëllimin tonë [për të fituar titullin].”
Ylli 34-vjeçar u aktivizua nga stoli në minutën e 76-të, në fitoren 3-0 të Brazilit ndaj Skocisë, në sfidën e tretë të fazës së grupeve të turneut.
Kjo ishte ndeshja e parë e lojtarit të Santos me kombëtaren që prej 18 tetorit 2023, kur ai u paraqit në humbjen 0-2 ndaj Uruguait në kualifikueset e Kupës së Botës.
Brazili mbetet kombëtarja më e suksesshme në botë me pesë Kupa të Botës, ndërsa pas saj renditen Gjermania dhe Italia me nga katër, si dhe Argjentina me tre.
