Mesfushori i Portugalisë, Joao Neves, ka bërë të ditur se goli i realizuar në ndeshjen e parë të Kupës së Botës ndaj RD Kongos ishte një dedikim i veçantë për nënën e tij.
Neves shënoi në barazimin e Portugalisë dhe, pas mbylljes së takimit, ndau një rrëfim prekës që preku tifozët.
Nëna e tij u nda nga jeta në shkurt të vitit 2024, pas një lufte të gjatë me kancerin, në kohën kur futbollisti portugez ishte vetëm 19 vjeç.
“E shoh babanë tim në tribuna, e shoh të dashurën time – nëna ime nuk është aty, siç e dini, por e di që ajo është gjithmonë me mua. Kjo është arsyeja pse ngrita duart nga qielli. Goli im i parë në Kupën e Botës është për të”, u shpreh Neves.
Festimi emocional i mesfushorit portugez tërhoqi menjëherë vëmendjen e tifozëve dhe i dha edhe më shumë peshë një momenti të paharrueshëm në karrierën e tij.
Portugalia ka edhe dy ndeshje për të luajtur në fazën e grupeve të Kupës së Botës, ku do të ndeshet me Uzbekistanin dhe Kolumbinë.
