Legjenda e sulmit francez, Thierry Henry, foli për episodin e diskutueshëm që përfshiu Lionel Messin në ndeshjen e parë të Kupës së Botës 2026 mes Argjentinës dhe Algjerisë, takim që u mbyll me fitoren 3-0.
Messi e nisi këtë edicion të Kupës së Botës me një het-trik, por gjatë ndeshjes u pa edhe një moment kur ai ndërhyri me takë ndaj një rivali, çka bëri që shumëkush të vlerësonte se duhej të ndëshkohej me karton të kuq.
Sidoqoftë, për Henryn, veprimi i kapitenit të Argjentinës në incidentin me Aissa Mandi nuk ishte i denjë për përjashtim me të kuq.
“Qëllimi është jashtëzakonisht i rëndësishëm kur vlerëson si duhet situata të tilla”, deklaroi fillimisht Henry.
“Kur e rishikon atë moment, shihet qartë se Lionel Messi e ka vëmendjen te topi dhe po mundohet të bëjë një veprim futbollistik, jo të dëmtojë askënd”.
“Po, pati kontakt. Po, dukej i pasigurt. Por jo çdo përplasje duhet të ndëshkohet me karton të kuq”, është mendimi i francezit.
